Related Articles
माधुरी दीक्षित ही एक प्रसिद्ध बॉलिवूड अभिनेत्री आहे जी केवळ भारतातच नाही तर जगातील अनेक देशांमध्ये ओळखली जाते. प्रत्येकाला ती खूप आवडते. माधुरी दीक्षितची फिल्मी कारकीर्द बरीच यशस्वी झाली आहे. कारण तिने बॉलिवूडला एक-दोन नव्हे तर अनेक हिट चित्रपट दिले आहेत.
चित्रपटसृष्टीत काही कलाकार जोड्यांना प्रेक्षकांची प्रचंड पसंती मिळते. याच लोकप्रियतेमुळे या जोड्या वर्षानुवर्ष प्रेक्षकांच्या मनावर राज्य करतात. अशीच एक जोडी म्हणजे माधुरी दीक्षित आणि अनिल कपूर यांची. माधुरी दीक्षित आणि अनिल कपूर यांनी आपल्या फिल्मी करिअरमध्ये आत्तापर्यंत १७ चित्रपटांत एकत्र काम केले आहे.
माधुरी दीक्षितच्या म्हणण्यानुसार, तिचे वैयक्तिक आयुष्य नेहमीच खूप मनोरंजक राहिले आहे. कारण तिच्या आयुष्यात अशा अनेक प्रेमकथा आहेत. ज्या कधीही पूर्ण झाल्या नाहीत. बॉलीवूड फिल्म इंडस्ट्रीमध्ये एक काळ असा होता जेव्हा प्रत्येकजण म्हणत होता की माधुरी दीक्षित जी बॉलिवूडचा प्रसिद्ध अभिनेता अनिल कपूरच्या प्रेमात पडली होती आणि त्यांच्या नात्याची चर्चा होती.
अलीकडेच या दोघांच्या नात्याबद्दल एक मोठा किस्सा समोर आला आहे, जो खुद्द माधुरी दीक्षितने सांगितला आहे. अनिल कपूरची इच्छा असूनही तिला लग्न करायचे नव्हते, असे माधुरी दीक्षितने सांगितले. जवळपास ३३ वर्षांपूर्वी म्हणजेच १९८९ मध्ये जेव्हा माधुरीला अनिल कपूरसोबत लग्न करणार का? अशी विचारणा करण्यात आली होती. त्यावर तिने नकार दिला होता.
दरम्यान, 1988मध्ये रिलीज झालेल्या ‘तेजाब’ चित्रपटात अनिल कपूर, चंकी पांडे आणि अनुपम खेर दिसले होते. हा चित्रपट बॉक्स ऑफिसवर सुपरहिट ठरला आणि प्रेक्षकांचा चांगला प्रतिसाद मिळाला. यानंतर अनिल कपूर आणि माधुरीची जोडी इतर चित्रपटांमध्येही दिसली. या दोघांच्या जोडीला चित्रपट पडद्यावर चाहत्यांनी चांगली पसंती दिली.
अनिल कपूर आणि माधुरी दीक्षित या जोडीचा अभिनय तुम्ही पडद्यावर पाहिलाच असेल. अनिल आणि माधुरीच्या जोडीला सुरुवातीपासूनच प्रेक्षकांचे प्रेम मिळत आहे. बेटा, खेल, तेजाब, परिंदा, जमाई राजा हे सिनेमे लोकांना वेड्यासारखे आवडत होते. लोकांना त्यांना एकत्र बघायला खूप आवडायचं.
त्याचवेळी, बॉलीवूड इंडस्ट्रीतील सर्वात प्रसिद्ध जोडप्यांपैकी एक अनिल कपूर व सुनीता कपूर यांची जोडी आहे. त्यांच्या प्रेमकहाणीची सुरुवात प्रँक कॉलने झाली. अनिलच्या मित्राने सुनीतासोबत चेष्टा करण्यासाठी तिला तिचा नंबर दिला होता. पण सुनीताचा आवाज पहिल्यांदा ऐकल्यावर अनिल कपूर तिच्या प्रेमात पडले.
प्रसिद्ध मॉडेल असल्याने सुनीता अनेकदा परदेशवारी करायच्या.मात्र दोघांनी आपल्या नात्यावर याचा परिणाम होऊ दिला नाही. आश्चर्याची गोष्ट म्हणजे हे जोडपे लग्नाच्या आधी जवळपास 11 वर्षे रिलेशनशिपमध्ये होते. अनिल कपूरने 17 मे रोजी ‘मेरी जंग’ हा पहिला चित्रपट साइन केला आणि दुसऱ्याच दिवशी 18 मे रोजी सुनीताला लग्नासाठी प्रपोज केले.
